Ævintýrahúsið Hóll á Siglufirði

Heimasíðan er í vinnslu eins og er, hægt er að hafa samband við Gunnlaug í síma 698-8886 eða senda tölvupóst á bokanir@sigloholl.is.

Hóll á Siglufirði er einstakt samkomuhús með skemmtilega sögu og sterka tengingu við íþróttaiðkun og félagslíf. Húsið er staðsett á frábærum stað í Siglufirði. Töluverðar endurbætur hafa átt sér stað á Hóli síðan árið 2021. Búið er að taka húsið í gegn frá A til Ö.

Aðstaðan og herbergin

Húsið hentar vel fyrir hópa af öllu tagi. Aðalhúsið tekur 27 manns í gistingu og íbúðin 8 manns, samtals er því gistirými fyrir 35 manns, hægt er að bæta við nokkrum dýnum á gólf fyrir stærri hópa.

 Í húsinu er rúmgóður og hlýlegur matsalur með sófum og sjónvarpi. Öflugir hátalarar (Soundboks 3 + Sounboks 3 GO) og stórt snjallsjónvarp er á staðnum. Á efri hæð hússins eru 7 svefnherbergi, salerni og sjónvarpskrókur með notalegum sófa. Á jarðhæð er eitt svefnherbergi með tveimur tvöföldum kojum.

Búið er að taka í gegn aukaíbúð sem er samtengd við aðalhúsið, með sér inngangi. Þar eru 4 svefnherbergi með góðum rúmum fyrir 8 manns. Þar er einnig lítill eldhúskrókur og salerni með sturtu. Íbúðin er frábær viðbót fyrir stærri hópa sem þurfa meira svefnpláss. Hægt er að leigja íbúðina með aðalhúsinu eða ekki. Hægt er að leigja íbúðina sér fyrir minni hópa.

Setlaug og sauna

Frábær 20 manna setlaug (stór heitur pottur) er við húsið með útsýni út Siglufjörð. Hægt er að stilla hita laugarinnar með fullkomnu stýrikerfi. Rúmgóður saunaklefi er í aðalhúsinu.

Salerni og þvottahús

Í aðalhúsinu eru 5 salerni og 7 sturtur, í aukaíbúðinni er salerni með sturtu, í heildina eru 6 salerni og 8 sturtur. Þvottahús er á staðnum með þvottavél og þurrkara ásamt aðstöðu til að hengja upp útivistar- og íþróttabúnað.

Eldhús og eldunaraðstaða

Eldhúsið er fullbúið með nýjum eldhústækjum og búnaði. Stórt og mikið gasgrill er á staðnum, einnig hægt að útvega auka gasgrill fyrir stærri hópa. Paellu panna er á staðnum sem er snilld fyrir eldun fyrir stóran hóp. Tveir 16 tommu gas pizzaofnar eru á staðnum ásamt því sem til þarf til að útbúa heimatilbúnar pizzur. Einnig eru útiborð og stólar á veröndinni. Góðir kælar eru í húsinu fyrir mat og drykki, stór klakavél og bjórdæla eru í húsinu.

Skemman / partýsalurinn

Það er skemmtilegur 75 fm salur í gömlu skemmunni með píluspjaldi, pool borði, bar ásamt bjórdælu og fleiru. Frábært fjölnota rými sem hentar sem partýsalur, matsalur, jógasalur eða annað sem fólki dettur í hug. Fjöldi stóla og borða eru á staðnum ef fólk vill breyta salnum í t.d. matsal eða annað. Hægt er að færa til nánast öll húsgögnin í skemmunni til að hægt sé að hafa salinn eins og fólk vill.

Útiaðstaða

Við Hól er stór suðurpallur sem tengdur er við eldhús og matsal, einnig er stór steypt verönd við setlaugina sem er með snjóbræðslu undir þannig að hægt er að nýta hana allt árið um kring. Húsið er staðsett eitt og sér á einstökum stað í Siglufirði. Við húsið er mikil víðátta, gönguleiðir og stór fótboltavöllur sem frjálst er að nota. Hefð hefur verið fyrir því að tjalda við húsið á sumrin, búið er að koma fyrir rafmagni sem er hugsað fyrir tjaldgesti. Aðeins verður í boði að tjalda við húsið fyrir gesti með aðalhúsið á leigu, gegn auka gjaldi.